خمسه جنان من النفوخ الورمان

خمسه جنان من النفوخ الورمان

فكره وقامت طقه
فى النفوخ وقامت لاذقه
عن نار كانت قايده
من لمه كانت قاعده
بتتناكف بدون مودة
عن عصبه كانت مسكه
وناس قاعدة فى زنقه
وناس داخلة وطالعة
وناس قاعدة مؤيدة
وناس دايما معترضة
وناس حيسة ولايصة
ومسئول طالع يتمشى
وفى ايده سلة مانجة
وواحد اشترى الفرشة
وقال اسكتوا انا مش عايز دوشة
ووالى ماسك جزمة
للصوت اللى بيعلى بزفة
والناس مش لقية تتعشى
ومبارك لصاحب الفرشة
وناس رايحة تبارك وتهنى لصاحب الفرشة
وانا رابط راسى من كتر الدوشة

و ايه خلاك قعد مع المساطيل
و دخل فيهم .. العبط و المهابيل
و ترأس القعدة .. شلة الدلاديل
أحسن ما فيهم .. تقرف تستخدمه برميل

الفكرة .. كانت عن شلة المزاجات
بيكرسوا الجهود .. بفلوش المعاشات
و طول النهار و الليل .. يصدروا بيانات
عن الفول الحراتى .. و البلح الامهات

يا نحال مكانك بين الزهور نلقاك
من وردة لزهرة .. عالشجر وياك
تزقزق زى البلابل .. يا محلاك
زينا كمان .. ياعسل بنستناك