يلا مصرأفلام

يلا مصرأفلام

يلا مصر- افلام عربي - افلام اجنبي - اغاني - كليبات - برامج - العاب
 
الرئيسيةmero*س .و .جبحـثالأعضاءالمجموعاتالتسجيلدخول
          

شاطر | 
 

 قاموس الروشنة لعام 2009

اذهب الى الأسفل 
كاتب الموضوعرسالة
medolov2009
مشــرف عــام يـا جــدع
avatar

عدد المساهمات : 290
نقاط : 84027
تاريخ التسجيل : 06/09/2009

مُساهمةموضوع: قاموس الروشنة لعام 2009   الأربعاء نوفمبر 18, 2009 7:48 pm

حول اللغة السرية للشباب الروش تعالوا (( نرمى ودانا فى حجرهم )) ونشوف بيقولوا اية ؟؟؟؟؟

يبدأ يوم الشباب عندما تتجمع (( العصابة )) يعنى الشلة كل (( مورنينج )) عند (( ناصية الرمش )) وهى عبارة عن مكان تتوافد إلية مجموعة من بنات النادى أو الجامعة معظمهم بنات (( إستبن )) يعنى غير أصحابهم الآساسيين وكل بنت لها المصطلح الخاص بها يعنى لو البنت حلوه يطلق عليها (( أوكشة )) (( فى الزيف )) يعنى فى الجون ولو لابسة جزمة كعب عالى (( ألآستوك بيتوك )) أو حتة (( شامبو )) يعنى ريحتها حلوة ومستحمية !!!

ولو البنت صغيرة يطلق عليها (( أووزى )) ولو كانت البنت الاجمل فى الشلة يطلق عليها (( النتفة )) أما لو كانت قبيحة الشكل تبقى (( صندل مقطوع أو ضاربها طبنجة )) ولو البنت تخينة تكون (( اتوبيس )) ولو كانت غير متناسقة القوام او الملامح تسمى (( سلعووه ))

ولو كانت لعوباً يطلق عليها (( هشكة )) ولو كانت مرتبطة تبقى (( أوفسايد )) أو (( متشفرة)) والكارت بتاعها مع فلان !!!

ولو كانــت البنت سمـراء البشرة تسمى (( ضالمة من قارة افريقيا )) أو (( مزرقة )) ولو كانت بنت من مكان شعبى تسمــى (( بيئة ))....

وعندما ترفض البنت المعاكسة تقول لمن يعاكسها ( يا خفة .. اية التهزير دة ... روح لمامتك يا بيبى ))

وممكن الحكاية تكون فى السليم وتقلب صحوبية وتقول للولد (( خلينا فى الفيوتشر )) ...

ولو الولد زهق (( اتخنق )) من البنت أو العكس يقولها (( سمعينى بودعك )) أو (( حديها الدبلة )) ....

وعندما تريد البنت معرفة رأى أصحابها فى (( البوي فريند )) بتاعها تعطية ميعاداً وتطلب من صديقاتها رأيهم بدون أن يعرف (( الموكوس )) الغلبان .... خدوا بالكم يا شباب من المصطلحات اللى جاية دية للأهمية القصوى عندما تقول لها صديقتها انك (( تاكسى )) يعنى انت لافف وداير وبتاع بنات .. ولو قالت (( سكامونى )) يعنى جميل و أمور ...(( ملسكوبيتش )) يعنى بخيل ... (( تس تس )) يعنى رزل وممل ... (( شامورتى )) يعنى خنييق ..

(( توت فروت )) مظهرجى ... (( خفشاوى )) غير واضح وهايف ... (( شنيش )) يعنى لامؤخذة هفأ .. !!!

ولو الولد تعبان فى المذاكرة يعنى (( جايب جاز والشراب هوى ومتخرتق )) !!!

وأكثر مصطلحات متداولة هذة الايام (( العب باشكا )) يعنى العب على المكشوف !!

(( حطيت إيدى على البلف )) يعنى فهمت الموضوع !!!
(( أدعك الفانوس دلوقتى )) يعنى ممكن تمشى وترحل !!!
(( أرحلك )) أخرجك من الشلة !!
(( الجوند )) فلوس !!
(( مكيش القفف )) معاه فلوس كتير !!
(( يا صباح المظلات )) للمتقدمين للكليات العسكرية !!
(( فهمـى )) يعنى نفض وكبر الجمجمة !!!
(( أحلق )) طنش !!!
(( انت حتزاولنى )) انت حتشتغلنى !!!
(( مهييس )) عامل دماغ وطاير قووى !!!
(( يا صباح اللى بتغنى )) صباح الخير !!
(( فوكك )) سيبك من الموضوع دة !!
(( أحنا عيال قادرة وكفأة .. ودكتوراة فى الحداقة )) يعنى احنا شباب 100 / 100 !!!
(( كل معرفتى بيه .. هاى باى )) يعنى مش صاحبى قوى !!!
(( إحنا اللى بنقلوظ القلاووظ بصباع الموز )) يعنى احنا نقدر نعمل كل حاجة !!
(( شوليطى . موليطى )) يعنى مش معايا فلووس .. مفلس !!

_إسحب عليها سيفون أو إزبلها_ يعني سيبك منها وطنشها
_البنت دي كوكاكولا_ يعني جسمها حلو
_أنت فاكرني made in india_ يعني أنت فاكرني غبي؟

ودي طريقة تهديد الشباب الروش:مش أي شاب إتخلق يعمللي قلق
العسل حلو بس النحل بيقرص
إللي يلعب بالدح مايقولش أح
إللي يتهور معايا يتعور


ومن مصطلحات الاغانى المنتشرة بكثرة هذة الايام الاتى :

(( انا رايح ألعب مع روبى )) يعنى انا رايح الجيم !!!
(( تعالوا نحصل ماريا )) تعالوا نلعب شوية !!
(( انت بتقلد روبى ؟ )) يعنى بتخبى وبتدارى !!
(( أنت كدة تعجب بوسى سمير )) يعنى انت حطيت النقط على الحرووف !!

وفى الختام أقولكم ممكن حد (( يباصى )) يرسل أحدث مصطلح شبية فى نفس الموضوع عشان انا (( أتخنقت )) وعايز (( أريح الاناناى ))
بييييس
مـعـاذ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قاموس الروشنة لعام 2009
الرجوع الى أعلى الصفحة 
صفحة 1 من اصل 1
 مواضيع مماثلة
-
» صور مسي وهو صغير
» جايبلكم صور شاص غمارتين
» مهرجان السلام على الحناوى الجزء التانى للشبح فيجو 2009 درااااااامز فااجر
» حصريا وانفراد دويتو احمد عداوية - رامى عياش / الناس الرايقة 2009
» ههههههههههههه مولد المفتش كرومبو 2009

صلاحيات هذا المنتدى:لاتستطيع الرد على المواضيع في هذا المنتدى
يلا مصرأفلام  :: قسم الـــضـحــك والـــفرفـشـة :: ع القهوة-
انتقل الى: